'O
munno ha visto 'e passà tanta ggente:
re,
ministre, prufussure e pure
chi nun
era bbuona a niente.
Tutte
quante hanno lassato nu segno
ma ora
sò passate
si,
hanno rato giustamente posto all'ate.
Però
c'è stata 'n'eccezione:
n'omme
ca si pure 'e statura
nun era
gruosso assaje
è stato
grande, oggi più che mai!
No! Nun
era bello,
anzi
era pure piccereniello
ma era
nu signore.
'O
chiammavano 'o principe
e pe'
carriera scigliette e fà l'attore.
Pure si
chist'ommo era brutto e piccerillo
sapeva
comme fa rirere
a
mamme, pate e figlie.
E'
stato nu grande personaggio;
ma 'e
chi stongo 'a parlà
l'avite
capite 'o no?
Certo,
è proprio 'o grande e famoso Totò.
Io
vurria puterlo vedè
pe lle
dicere:
"Dimme
Totò, pecchè tu, ca a tutte quante
'e rato
alleria e còre,
stive
spisso rattristato?
'A chi
te 'ntervistava dicive:
"Io nun
songo jsso,
sò
Antonio! e chi piace è proprio n'ato:
'o
comico, 'o pazziariello che fa
ridere
e
rallegrà a ggente;
mentre'io sto ccà ovvì,
int a
'n'angulillo,
a
guardà mentre fa addivertì
'a
gruoss' 'e piccerille.
Pecchè
sò triste?
Ma sì
curiuse?
Mo ca
t'aggia cuntà a vita mia?
Nun dà
retta,
pienseme comme' 'o vide 'e recità,
'e no
comm' 'a nomme chino 'e malincunia.
J'
songo Antonio De Curtis,
a te
piace Totò,
il
principe della risata
che
maje tramontò".
E si,
tiene raggione,
ma
ognuno è fatto 'e ddoje persone:
allera,
e pure sfacciata 'a fora,
ma
triste e scunsulate
rint'
'o core.
'A vita
è proprio 'na livella
comme
dicive tu:
chi
rint' 'a vita è stato
'nu rre,
nu magistrato,
'nu
grand'omme,
dopp'
'a morte nun le resta niente cchiù,
sulo 'o
nomme.
Permietteme però 'e te contraddì
e
scuseme assaje
nun
voglio levà niente 'a sta puisìa,
sulo 'nà
parentese 'nce faccio cu simpatia:
nun
credere ca 'a ttè,
passà a
chell'ata vita t'ha fermato,
tu a
tutt' 'o munno
nu
segno nun indifferente 'e lassato,
eppure
ca sì muorte
'o
nomme tuoje pe' 'ncanto
s'è
fatto cchiù gruosso.
Nisciuno te putarria maje scurdà,
e a chi
tene sempe 'a faccia appesa,
si te
cunosce,
'mpara
a ridere e pazzià.
Si tu
sì Antonio De Curtis o Totò,
nun me
'mporta;
sì
stato grande rint' 'a vita,
e mmo
pure dopp' 'a morta!"
Rita Caiazza